خليني أقولها لك بصراحة
إذا وصلت لمرحلة ما تقدر تسوي كل شيء لحالك هنا تبدأ الاحتراف
مو لأنك تعبت لأنك كبرت أنا أشوف كثير صناع محتوى يوقفون عند مرحلة معينة ليه؟
لأنهم يحاولون يسوون كل شيء:
تصوير
مونتاج
أفكار
نشر
ردود
وهذا يقتلك مع الوقت أول شيء لازم تفهمه:
أنا ما أبني فريق عشان أرتاح أنا أبني فريق عشان أكبر
طيب متى أبدأ أبني فريق؟
مو لازم تكون ضخم.
أنا أبدأ لما:
وقتي ما يكفيني أو جودة المحتوى بدأت تتأثر أو صرت أأجل كثير
هنا أعرف إن لازم أحد يساعدني.
من أول شخص أجيبه؟
أنا ما أجيب فريق كامل مرة وحدة أبدأ بشيء واحد يستهلك وقتي أكثر.
غالبًا:
مونتير
ليش؟
لأن المونتاج ياخذ وقت + يأثر على الجودة
أهم شيء عندي؟
أنا ما أدور (أرخص شخص) أنا أدور شخص يفهمني لأن لو ما فهم أسلوبي بقعد أصحح أكثر مما أستفيد.
كيف أخليه يشتغل صح؟
أنا ما أقول له: اشتغل وخلاص
أنا أوضح له: إيش أبغى كيف أسلوبي وش اللي يعجبني وش اللي لا
وأعطيه أمثلة.
الغلط اللي أشوفه كثير:
ناس تبني فريق بسرعة وبعدين تقول “ما ضبط”
ليش؟
لأن ما فيه:
وضوح اونظام أو طريقة شغل أنا أشوف الفريق الناجح يكون كذا:
كل واحد فاهم دوره فيه تواصل واضح ما فيه عشوائية
أهم نقطة:
أنا ما أترك كل شيء للفريق أنا أظل:
أفكر/ أوجه/ وأراقب الجودة
الفريق يساعدني مو يستبدلني
الخلاصة:
الاحتراف الحقيقي يبدأ لما:
توقف تسوي كل شيء لحالك
تبدأ توزع المهام بذكاء
وتركز أنت على الشيء اللي يفرق
وأهم شيء عندي:
إذا تعرف تدير فريق تقدر تكبر بدون حدود
ليست هناك تعليقات:
إرسال تعليق